سيد عبد الحفيظ: ترتيبك ونتيجتك هما اللي بيحددوا قيمتك.. والنصاب بيتكلم حلو برضه

كتب: وليد الششتاوي محمد

أدلى سيد عبد الحفيظ، مدير الكرة السابق بالنادي الأهلي، بتصريحات قوية خلال ظهوره الإعلامي الأخير، أكد فيها أن النتائج والأرقام هي المعيار الحقيقي للحكم على أي شخص في المجال الرياضي، وليس مجرد الكلام أو الانتقادات.

وقال عبد الحفيظ:

"أكتر وجع بيأثر في أي حد هو النتائج والترتيب.. ممكن ترمي إفيهات وتقلل من الناس، لكن في الآخر النتيجة هي الحكم. ممكن تبقى شاطر بس متوفقتش، والنصاب كمان بيعرف يتكلم حلو، بس لما تيجي تبص على ترتيبك وقيمتك، هتعرف حجمك الحقيقي."

وفي حديثه عن نجم الأهلي الجديد محمد علي بن رمضان، أوضح عبد الحفيظ إعجابه الشديد بتركيز اللاعب في الملعب وابتعاده عن الأضواء الافتراضية، قائلًا:

"عاجبني جدًا إن بن رمضان مش بيتفاعل كتير على السوشيال ميديا، وده دليل إنه مركز في شغله."

وردًا على تعليق الإعلامي إبراهيم فايق بأن لاعبي أوروبا يتفاعلون على مواقع التواصل الاجتماعي دون أن يؤثر ذلك على تركيزهم، قال عبد الحفيظ:

"يا إبراهيم فيه فرق كبير في المناخ والظروف والعقليات بيننا وبينهم.. كل لاعب بيتأثر بالبيئة اللي حواليه."

وتطرق عبد الحفيظ إلى مستقبل مهاجم الأهلي وسام أبو علي، مؤكدًا أنه لاعب مميز، وحقق ما لم يحققه الكثيرون بتسجيله هاتريك في كأس العالم للأندية، لكنه شدد على أهمية وجود بديل قبل اتخاذ قرار بيعه.

وقال:"وسام أبو علي مهاجم رهيب، مش أي حد يجيب هاتريك في كأس العالم للأندية، لكن لو جالي عرض من 10 لـ14 مليون دولار ممكن أوافق، بس بالنسبة لي لازم يكون فوق 12 مليون.. والأهم إني أكون محضر البديل قبل البيع، مش أبيع وأفضل أدور."