شتائم واتهامات بالمخدرات.. زفاف مسلم يتحول لمعركة بين زوجته يارا تامر والبلوجر أروى قاسم

كتب: ياسر خالد 

شهد حفل زفاف مؤدي المهرجانات مسلم ويارا تامر أزمة كبيرة بين زوجته والبلوجر أروى قاسم، التي قامت بحضور حفل الزفاف.

تعود الأزمة إلى قيام أروى بحضور حفل الزفاف، ليحييها مسلم مقبلًا يدها، ثم قامت بعد ذلك بنشر مقطع فيديو لذلك المشهد.

الأمر الذي أثار استياء زوجته يارا، التي ما أن انتهى حفل الزفاف حتى شنت هجومًا ضاريًا على أروى في مقطع فيديو نشرته عبر حسابها على تيك توك، اتهمتها خلاله بأنها تسعى وراء الريتش وتقوم بعمل شو.

حيث قالت: الشخصية الملزقة دي انتي بالنسبالي أنا ومسلم طفلة، والشخصية دي مرمية في أحضان الناس من زمان، وكنت بشوفها في أحضان المغنيين كلهم، حبيبتي أنتي لو صاحبته وخايفة إنك تخربي بيته، أكيد عمرك ما كنتي هتنزلي الفيديو ده.

تابعت يارا: وانتي اللي هتتئذي لأن ده ميطلعش من بنات ناس أصلًا، والناس كده كده عارفة الشخصية دي بتعمل إيه، وأنتي كان كل همك الريتش واتعملك بلوك منه في الآخر، وسمعتي كلام مني زي الزفت وجيبتي لأهلك العار.

أضافت: أنتي ماتربتيش لأن دي مش أخلاق بنات محترمة، وأنا ماكنش عندي أي مشكلة مع الشخصية دي، وماعنديش مشكلة إن جوزي يبقي عنده صحاب بنات طالما هما محترمين، الراجل لما بيشوف واحدة سايبة طبيعي إنه يتمادى معاها عادي مفيش مشكلة.

أتمت يارا: وأنا واثقة أنتي ماتقدريش ترفعي عينك فيه وهو كذلك، أنا في وجودي في حاجات بتختلف أنا في وجودي اتعملك بلوك، وعمره ما هيستغني عني علشانك، افهموا يا جماعة دي شخصية بتاعت شو، وجوزي أنا عارفة إنه غلطان.

لتعلق أروى على تصريحات يارا تامر، في ستوري عبر حسابها على موقع تبادل الصور والفيديوهات إنستجرام، مهتهمة إياها بتعاطي المواد المخدرة، حيث قالت: معلش يا جماعة اعذروها أكيد ماكنتش في وعيها وهي بتعمل الفيديو عني.

أكملت: أكيد مخدتش الجرعة بتاعتها النهاردة، علشان هي بتضرب في الوريد على طول، ليس على المريض حرج، وماعلش مابوظتش يعني ليلة العمر، دي الجوازة الـ 6 ليكي من الخلايجة.

أنهت أروى ردها قائلة: وكفاية كده عليكي علشان أنا عاملة احترام للغالي، علشان هو غالي عندي، وأتأسفلي وقالي حقك عليا، فده يكفيني أنا هحترمه علشان أنتي ماعملتيلوش أي احترام.

لترد يارا على أروى، في ستوري عبر حسابها على إنستجرام، قالت فيها: طبعًا دي واحدة يا حرام هتموت وتخليني أمسح الفيديو، فيا حول الله يارب طالعة تقول عليا كلام مافيش عيل صغير أهبل يصدقه.

واصلت: يعني بس يا حبايبي أنتم عارفين إني أنضف من القرف ده، كفاية إني خوفت أشتم أو أقول لفظ على بنت زيي.

لتختتم يارا ردها على أروى، قائلة: فحسبي الله في الأشكال دي، كفاية اللي أنتم عملتوه فيها، وقعت في شر أعمالها، بس كده هيكون الرد من جوزي ومني أنا كمان، علشان دي أعراض.

لم تكن آية زكريا، شقيقة مسلم، بعيدة عما يحدث، حيث علقت على ما كتبته يارا مدافعة عن أروى قاسم، حيث وصفتها بأنها مثل شقيقته الصغرى، إذ قالا فس ستوري عبر حسابها على إنستجرام: طب ما أنتي كنتي في حضنه وأنتي لسه خطيبته.

اختتمت آية تصريحاتها قائلة: على الأقل أروى أخته الصغيرة وكلنا عارفين، الغريب إنك ساعتها مافتحتيش بوقك، عالم مدمنة صحيح، نفسي تشوفي نفسك كنتي إيه قبل ماتتكلمي عن التربية.

كانت آية قد عبرت عن عدم حبها لعروس مسلم، وهو ما جعلها تغيب عن حفل زفافه، حيث قالت في مقطع فيديو: أنا لا بوشين ولا بذمتين ومهما كنت أنت إيه عندي.

استكملت: بس فيه شخص معاك متسبب لي في أذى فاعذرني، لأني مش بوشين ومابحبهاش، ولو اللي معاها روحي فيه مش هروح فرحه، وهو أخويا الصغير وفوق دماغي، ويوم الخطوبة روحت وماكنتش أعرفها أصلًا، وكنت جنب مسلم على الرغم إن ماكنش حد جنبه.

أردفت: هي ماكنتش ألطف حاجة وطول عمرها عندها أسلوب مش فاهماه بصراحة، أنا يا جماعة مابحبش عروسته عشان هي حد قليل الأدب أوي، وليها أسلوب غريب مش فهماه.

ثم أضافت: وهي لا احترمت أخته الكبيرة اللي هي أنا ولا أهله أصلًا، بغض النظر بقى إن ماما حضرت بس ده ابنها وكان لازم تحضر.

لتوضح أن بينها وبين يارا تامر مشكلة نفسية قائلة: أنا اليوم ده روحت عملت شوبينج، والناس كانت بتقابلني في المحلات ومستغربة إني ماروحتش الفرح، وأنا مروحتش علشان أنا فيه بيني وبينها مشكلة نفسية.

لتختتم آية زكريا تصريحاتها قائلة: وأنا مش هقدر أشوفها واقفة قدامي، عمومًا ألف مبروك وربنا يهنيهم يارب.

من هو مسلم؟

يُشار إلى أن مسلم هو مؤدي مهرجانات من أصول صعيدية من محافظة سوهاج، واسمه الحقيقي مصطفى زكريا. والده مغني، وشقيقه مطرب، كما أن والدته فنانة. يميل إلى الغناء باللهجة العرباوية، لأنه يُعد قريبًا من عائلات سيناء.

يذكر أن من أبرز أغاني مؤدي المهرجانات مسلم لسه فيكم نفس تاوحه، بقع وأقوم، جاي هرازيك لا لا مش ناسيك وغيرها.