د. مي القط تكتب: العصبية لدى الاطفال

العصبية لدى الاطفال من أكتر السلوكيات التي تقلق الأهل، و تجعلهم يتساءلوا : هل هذا السلوك طبيعي؟ هل هناك غلط في التربية؟ و الحقيقة إن العصبية في سن الطفولة غالبًا بتكون وسيلة للتعبير عن مشاعر الطفل اللي مش قادر يوضحها بالكلام.

و هنا نشرح أسباب عصبية الأطفال:

التعب والجوع: الطفل أحيانًا مش بيقدر يعبر غير بالصوت العالي أو البكاء.

الرغبة في لفت الانتباه.

الغيرة أو الإحباط.

تقليد سلوك الأهل لو شايفهم بيتعاملوا بعصبية.

نقص مهارات التعبير عن المشاعر.

و دائما ما يتسأل اولياء الامور كيفية التعامل مع عصبية الطفل؟

1. الهدوء أولاً: ماينفعش نرد العصبية بعصبية. الطفل بيتعلم من رد فعلنا.

2. تسمية المشاعر: قولي له "أنا شايفة إنك غضبان علشان اللعبة اتكسرت". ده بيعلمه يربط بين إحساسه والكلمات.

3. إتاحة مساحات للتفريغ: زي اللعب، الرسم، الجري.

4. وضع حدود واضحة: العصبية مقبولة للتعبير، لكن الضرب أو التخريب غير مقبول.

5. القدوة: لو عايزة ابنك يبطل العصبية، لازم يشوفك إنتِ بتتحكمي في مشاعرك.

6. التعزيز الإيجابي: لما يقدر يعبّر من غير عصبية، امدحيه.

7. تجنب المقارنة: "شوف أخوك أهدى منك" بتزود العصبية أكتر.

و ياتي السؤال

 متى يقلق اولياءالامور؟

لو العصبية صارت مستمرة بشكل مبالغ فيه، أو تصاحبت مع سلوك عدواني شديد، أو أثرت على حياة الطفل في المدرسة والعلاقات، هنا يفضل استشارة أخصائي نفسي للأطفال.

و في النهاية

عصبية الأطفال ليست عيب في شخصيتهم، لكنها رسالة في حاجة إلى ترجمة من الأهل. فكلما احتوينا مشاعرهم ودربناهم على التعبير السليم، كلما تتتحول العصبية لأداة نمو وتعلم.