أسامة عباس: «مبسوط بوقتي بعيد عن الفن.. واللي بيتعرض عليّا لا يليق باسمي»
كتبت: نور التلباني
أكد الفنان القدير أسامة عباس أنه في حالة صحية جيدة ويقضي وقته حاليًا بعيدًا عن أجواء التمثيل، مستمتعًا بالقراءة والبقاء مع أحفاده، حيث أصبحت القراءة هوايته المفضلة ولديه مكتبة كبيرة يقضي فيها معظم أوقاته.
وخلال مداخلة هاتفية لبرنامج "تفاصيل" الذي تقدمه الإعلامية نهال طايل على قناة صدى البلد 2، قال عباس: "أنا مبسوط بوقتي، خصوصًا بعد ما بطلت أشارك في أي أعمال فنية، مش اعتزال رسمي لكن بطّلت أشتغل لأن اللي بيتعرض عليا دون المستوى، ومينفعش أقدم حاجة ممكن تخلّي اللي بيحبني يقولي: إزاي يا أسامة تعمل كده؟".
وأضاف: "لو جالي دور محترم ومكتوب كويس أكيد هبقى متحمس وهرجع، لكن بصراحة اللي بيتعرض دلوقتي ما بيحركش جوايا الشغف".
وأشار أسامة عباس إلى أن دخوله عالم الفن جاء بالصدفة، حيث كان يقدم اسكتشات تمثيلية خلال الجامعة مع زملائه، ثم اتجه إلى مهن أخرى بعد التخرج، وركّز على حياته الشخصية والزواج قبل أن يعود لاحقًا للتمثيل ويُثبت مكانته كممثل مخضرم.
