مروة عبد المنعم: عشت في شقة من غير باب وسقف.. واتنصبت واتحملت لوحدي
كتبت: نور التلباني
كشفت الفنانة مروة عبد المنعم، عن معاناتها النفسية والمادية خلال الفترة الماضية، مؤكدة أنها ما زالت تحلم بفرصة فنية تُعيدها إلى الساحة، لكنها لم تحصل عليها رغم موهبتها وحبها للفن.
وقالت مروة خلال ظهورها في برنامج تليفزيوني:
"أنا دايمًا بكلم ربنا، وبقوله يا رب هو أنت ليه حببتني في التمثيل؟ ليه اديتني موهبة ومش راضي تخليني أشتغل بيها؟ أنا مش معترضة على حكمك، بس ساعدني أكون راضية".
وتطرقت مروة إلى أزمة شخصية مرّت بها، حيث تعرضت للنصب من مهندس ديكور، ما اضطرها للإقامة في شقة دون باب أو سقف، بعد أن خذلها الجميع ووجدت نفسها وحدها في مواجهة أزمة مالية كبيرة.
وأضافت:
"كنت في شقة إيجار وطلبوا مني أمشي خلال شهرين بسبب زيادة الإيجار، وكان عندي شقة على المحارة، ومعنديش فلوس أفرشها، جبت مهندس علشان يكملها بس اشتغل غلط، وبعدها جبت غيره، واتفقنا إنه يشتغل واديله الفلوس على مراحل، لكنه نصب عليا، ومعملليش لا باب ولا سقف".
وأكدت: "الناس بتعاملني إني لوحدي، خبطوا عليا قالولي الحمام بيخر مية، قولتلهم قسما بالله مش هقدر أعمل حاجة، أنا ماليش ضهر، وحسبي الله ونعم الوكيل".
