نبيلة عبيد تستغيث: «أنا وحيدة ومخلفتش.. وعايزين ياخدوا شقتي مني»

يوليو 4, 2025 - 22:44
نبيلة عبيد تستغيث: «أنا وحيدة ومخلفتش.. وعايزين ياخدوا شقتي مني»

كتبت: شروق علي أحمد

صرحت النجمة نبيلة عبيد عن حزنها الكبير بعد محاولات كثيرة لسحب شقتها التي تقع في منطقة جامعة الدول العربية.

وقالت نبيلة عبيد خلال تصريحات صحفية: "الشقة كانت مملوكة لوالدتي الله يرحمها، وفيها كل ما أملك من أغراض وصور وذكريات كبيرة، وتاريخي السينمائي كله موجود فيها، بداية من رابعة العدوية والراقصة والسياسي، وكل أعمالي الناجحة اللي قدمتها خلال مسيرتي السينمائية."

واستكملت:"أجيب منين مكان أحط فيه كل تعبي ده؟ وفني اللي خايفة أرميه بعد كده يبقى على سور الأزبكية! أنا خايفة على تاريخي، مينفعش يترمي، أنا تاريخي مهم جدًا بالنسبالي."

وأضافت:"أنا بستغيث، مينفعش، ده تاريخي السينمائي كله في الشقة دي. لما بفتحها بشم ريحة نجاحي وريحة أمي، فيها كل صوري اللي كنت باخدها، موجودة في الشقة دي. لما بخشها برتاح، مقدرش من يوم وليلة يحصل كده، أنا مجرباها ومجربة اللي أنا فيها. دي كانت قدم الخير عليا، وبتمنى أرجعلها."

كما أوضحت: "أنا وحيدة، لا اتجوزت ولا خلفت، وبشم ريحة أمي ونجاحي فيها، وعايشة حاليًا في شقة غيرها، لكن دي الشقة الأقرب لقلبي. سيبوها لي."