ضيعت كل اللي إحنا بنعمله بهرموناتك العالية..« عمرو صحصاح» يهاجم سائقًا حاول التحرش بسائحة صينية
كتبت: نور التلباني
في فيديو نشره على صفحته الشخصية بموقع فيسبوك، علق الكاتب الصحفي «عمرو صحصاح»على الحادثة التي أثارت الجدل مؤخرًا، حيث حاول سائق يعمل لدى إحدى الشركات التحرش بسائحة صينية باستخدام ترجمة جوجل، مما أدى إلى انتشار الفيديو واتخاذ إجراءات تأديبية ضد السائق.
بدأ صحصاح حديثه قائلاً: "من إمبارح والسوشيال ميديا مقلوبة على السواق اللي بيحاول يتحرش بسائحة صينية. السواق مش عارف يتعامل مع السائحة الصينية، فبدأ يشغلها ترجمة جوجل. الست فهمت أنه بيحاول يتحرش بيها، فصورت الفيديو ونشرته. السواق دلوقتي تم القبض عليه، وطبعًا هياخد عقابه اللي لسه هيمتد."
وأضاف: "زمانهم في قسم الشرطة، بيدوله كورسات في اللغة الصينية واليابانية عشان يحرم تاني يشغل ترجمة جوجل. لكن المشكلة مش هنا. المشكلة أن النموذج ده من السواقين اللي زي ده ميعرفش إنه بيسيء لشعب كامل بيحب يرحب بالسياح."
وتابع صحصاح: "إحنا يا جدع أنت، عملنا مجهودات كبيرة في مشاريع زي المتحف الكبير ومتحف الرماية ، وصرفنا مليارات علشان نعزز صورة مصر السياحية. وبعدين يجي واحد زي ده يضيع كل اللي احنا بنعمله بهرموناته العالية!"
وانتقد الكاتب الصحفي تصرف السائق بشدة، قائلاً: "يا جدع، انت لما نروح نجيب فوانيس رمضان من الصين، الصينيين هناك هيقولولنا إيه؟! هتأثر على صورة مصر كلها. ياريت كل السواقين وكل الشركات تتعلم من الحادثة دي وتفهم أن دي مش لعبة."
وختم كلامه بدعوة إلى تحسين سلوك العاملين في قطاع السياحة: "ياريت كل السواقين والشركات يتعلموا من الراجل اللي اتعمل معاه إجراءات تأديبية، مش علشان نمنع الحوادث دي بس، لكن علشان نحافظ على صورة مصر اللي بنحارب علشانها."
