داليا مصطفى: أحمد السقا أنقذني من موقف صعب في «شورت وفانلة وكاب»
كتبت: نور التلباني
كشفت الفنانة داليا مصطفى عن موقف إنساني جمعها بالنجم أحمد السقا خلال تصوير فيلم "شورت وفانلة وكاب"، مؤكدة أنه دعمها بشكل كبير في لحظة صعبة.
وخلال لقائها في برنامج "سبوت لايت" على قناة صدى البلد، تحدثت داليا عن كواليس الفيلم، قائلة: "العمل ده من أجمل الذكريات، وقتها شفت السقا على حقيقته، رغم إني كنت اشتغلت معاه قبل كده في مسلسل رد قلبي، لكن هنا شفت جدعنته بمعناها الحقيقي".
وأضافت: "في حد قاللي كلام سخيف خلاني أعيط، وأول ما السقا شافني منهارة، قاللي ما تخافيش، وراح وقف للشخص ده وعمل معاه مشكلة عشان يرد لي كرامتي".
من ناحية تانية، كشفت داليا مصطفى عن قرب انتهاء تصوير مسلسلها الجديد "روج أسود"، تمهيدًا لعرضه خلال الفترة الجاية.
