د.أميرة الخياط تكتب: مخاطر الاحتباس الحراري على الحيوانات الأليفة
الاحتباس الحراري بقى قضية عالمية بتمس كل الكائنات الحية، مش بس البشر. ارتفاع درجات الحرارة، تغير نمط الطقس، وزيادة الظواهر الجوية القاسية كلها عوامل بتأثر على الحيوانات في البرية والمزارع، وكمان على حيواناتنا الأليفة اللي عايشة معانا في بيوتنا. رغم إن الحيوانات الأليفة بتعيش في بيئة محمية نسبيًا، إلا إن التغيرات المناخية ليها تأثيرات واضحة ومباشرة وغير مباشرة على صحتهم، سلوكهم، وحتى فرصهم في النجاة.
الاحتباس الحراري هو الزيادة المستمرة في درجة حرارة كوكب الأرض بسبب تراكم غازات الاحتباس الحراري زي ثاني أكسيد الكربون والميثان في الغلاف الجوي، واللي بتمنع الحرارة من الخروج للفضاء، فبتخلي الأرض تسخن أكتر مع الوقت. ده بيأدي لتغيرات في المناخ، وارتفاع مستويات البحار، وزيادة الحرائق والجفاف والعواصف.
و تأثير الاحتباس الحراري على الحيوانات الأليفة :الإجهاد الحراري وضربات الشمس من أكتر المخاطر اللي بتواجه الحيوانات الأليفة هي ارتفاع درجات الحرارة، خصوصًا في فصل الصيف. فالحيوانات زى الكلاب والقطط مابتقدرش تنظم حرارتها زي الإنسان، ومع تعرضهم لدرجات حرارة عالية ممكن يصابوا بإجهاد حراري أو ضربة شمس، اللي ممكن تكون قاتلة لو ما اتلحقتش بسرعة.وأعراض ضربة الشمس في الحيوانات الأليفة اللهث الشديد وزيادة معدل ضربات القلب وفقدان التوازن أو الإغماء وقيء أو إسهال واحمرار اللثة أو اللسان والسلالات ذات الأنف القصير زي البولدوج والبَج والفرنش بولدوج بتكون أكثر عرضة للمخاطر دي بسبب صعوبة التنفس.وزيادة الطفيليات والأمراض درجات الحرارة المرتفعة والطقس الرطب بيساعدوا على زيادة انتشار الحشرات والطفيليات زي البراغيث والقراد والبعوض واللي ممكن تنقل أمراض خطيرة مثل داء لايم والحمى القلاعية وداء الديدان القلبية ده غير إن الاحتباس الحراري بيزود فرص ظهور أمراض جديدة وانتقالها بسهولة أكبر بين الحيوانات والبشر.
و من تأثير الحيوانات الأليفة تغير في النشاط والسلوك بعض الحيوانات ممكن تبقى أقل نشاطًا مع الجو الحار، وتبدأ تظهر عليها علامات الكسل أو حتى تغيرات مزاجية زي التهيج أو الاكتئاب. كمان ساعات بيفقدوا شهيتهم أو يقل شربهم للمياه، وده يعرضهم للجفاف ومشاكل في الكلى ونقص الموارد الغذائية والمائية في بعض المناطق، التغيرات المناخية أثرت على إنتاج الغذاء وجودة المياه، وده ممكن يوصّل لنقص أو ارتفاع أسعار الأكل المخصص للحيوانات الأليفة، خصوصًا الأنواع العلاجية أو المتخصصة. كمان المياه اللي فيها نسبة تلوث عالية أو اللي بتتخزن في حرارة مرتفعة ممكن تبقى خطر عليهم.
و نحمي حيوانتنا الأليفة من الاحتباس الحراري بتوفير بيئة مناسبة داخل المنزل مثل حافظي على التهوية الجيدة وتشغيل المراوح أو التكييف في الأيام الحارة و تجنبي الخروج بالحيوان الأليف في ساعات الذروة (12-4 ظهرًا) و وفري أماكن ظل ومياه نظيفة على طول الوقت والتغذية السليمة والمياه قدمي أكل خفيف في فصل الصيف وتابعي استهلاكي المياه يوميا وزودي مصادر المياه في البيت والحديقة واستخدامي وسائل أواني استانلس أو سيراميك مش بلاستيك والفحوصات الوقائية والتطعيمات راجعي الطبيب البيطري بانتظام من عدم وجود طفيليات واستخدمي أدوية وقائية ضد القراد والبراغيث والبعوض وتأكدي من تطعيم حيوانتك ضد الأمراض المنتشرة في منطقتك.
