د. مي القط تكتب: عناد الاطفال.. قراءة في سلوك الطفل العنيد

اكثر مشكلة بنقابلها في عيادات تعديل السلوك للاطفال.. مشكلة العند. إبني عنيد..إبني رافض لكل الاوامر اللي بديهاله.. أنا إبني عنيد و مش عارفة بيعمل معايا كده ليه؟؟؟؟؟؟

و هنا لازم نسال نفسنا سؤال مهم: ليه الطفل ممكن يمارس سلوك العند؟؟؟؟

السبب الاول:

رغبة الطفل انه يظهر استقلاليته و انه شخص قادر يعبر عن قبوله او رفضه لفكرة معينة و يصر كمان على قراره.

السبب الثاني:

شعور الطفل بانه شخص مش متشاف او مسموع و مش لاقي اهتمام من افراد الاسرة هنا الطفل بيمارس العند كطريقة للفت الانتباه.

السبب الثالث:

اسلوب الأهل نفسه اللي بيكون فيه اسلوب قسوة و اوامر بدون اي لغة حوار و هنا عناد الطفل هو مجرد مرايا لتصرفات الاهل معاه.

 و بعد ما عرفنا الظروف اللي ممكن تخلي طفلنا يمارس العند كسلوك.. يجي السؤال و الحل؟؟؟؟؟؟؟؟؟

- اسمعوا لولادكم كويس اعرفوا منهم ايه مشاكلهم و احلامهم و الاهم هما بيحسوا بايه.

- استخدم اسلوب طرح الخيارات المقبولة بدلا من الاوامر المباشرة.

- استخدم اسلوب التشجيع المتوازن في كل مرة ابنك بيتصرف بشكل ايجابي.

و في النهاية عناد الطفل مش رفض مقصود, اوقات بيكون طلب غير مباشر للفهم و الاهتمام و النقاش