أحمد رزق يرد على استفزازات حسن عسيري في «بروودكاست»: أنا بطل مش سنيد
كتبت: نور سيد
حل الفنان أحمد رزق ضيفًا على برنامج "بروودكاست" الذي يقدمه الفنان حسن عسيري عبر قناة MBC مصر طوال شهر رمضان، حيث دار بينهما حوار طغت عليه الأجواء الساخرة والمستفزة.
حاول حسن عسيري استفزاز أحمد رزق بسؤاله عن كونه "سنيد" في الأعمال الفنية، فرد رزق بثقة: "أنا مش سنيد، أنا بطل، وقدمت أفلام ومسلسلات بطولتي، وفيه أعمال بطولات مشتركة، إنت عايز تشوفها سنيد إنت حر".
كما سخر عسيري من بعض أعمال رزق قائلًا: "أنا بتكلم عن عمل يتشاف، لكن إنت عندك حاجات كتير بتبقى في العلب"، فرد رزق مازحًا: "مش مهم، أنا بروح أشقر عليها وهي في العلب".
وعندما سأله عسيري عن حبه للأموال، أجاب رزق بطريقته الساخرة: "مش بجري وراها، بس هو الواحد يقدر يعيش من غير فلوس؟ أنا أصلًا جسمي عامل إزاي هجري إزاي؟ لو الفلوس مجريتش ورايا، مبروحلهاش".
واستكمل عسيري استفزازه بسؤال: "ليه إنت في آخر القطر؟"، فرد رزق بذكاء: "أنا بحب أبدأ من الآخر عشان أشوف اللي قدامي وأتحرك براحة، والرؤية من ورا أوضح من قدام، ومن تواضع لله رفعه".
