نهال طايل تدافع عن مها الصغير: من حقها تحب وتتجوز وربنا ما حرّمش ده

كتبت: نور التلباني 

أكدت الإعلامية نهال طايل دعمها الكامل لزميلتها مها الصغير، بعدما ترددت أنباء حول ارتباطها بالفنان طارق صبري، مشددة على أن الزواج بعد الطلاق ليس عيبًا ولا حرامًا، قائلة: "من حق أي ست تبدأ من جديد وتعيش حياتها طالما في الحلال، وربنا ما حرّمش الارتباط بعد الانفصال."

وأضافت "نهال" خلال برنامجها "تفاصيل" على شاشة "صدى البلد 2":

"مش كل حد بيكمل في جوازة بيكون مبسوط، وممكن ييجي وقت يقول أنا عمري اتسرق.. الطلاق مش دايمًا ندم، واللي اختار الانفصال هم أحمد السقا ومها، وده قرارهم وهما أحرار فيه".

وتابعت: "من حق مها الصغير تبدأ حياة جديدة، زي ما من حق أحمد السقا لو قرر يرتبط، محدش له دعوة بقراراتهم الشخصية، طول ما الأمور في إطار شرعي ومحترم".

واختتمت حديثها قائلة: "كفاية تجريح وخوض في حياة الناس، سواء كانوا مشاهير أو لأ، وربنا يوفق كل حد في طريقه ويكتب له الخير."