ليه شباب كتير مش لاقي شغل؟ البطالة أزمة ولا بداية لحل؟!

 بقلم : ا.د جيهان رجب 

أستاذ بجامعة عين شمس 

تساؤلات بتدور في عقل كتير مننا:ليه خريج جامعة ممكن يفضل سنين من غير وظيفة؟هل البطالة في مصر أزمة شباب؟ ولا أزمةتعليم وسوق عمل ؟وإزاي بتأثر على المجتمع؟ وهل فيه أمل أو خطوات حقيقية بتتعمل علشان نحل المشكلة؟

البطالة بين الشباب في مصر مش بس قضية فردية، لكنها بقت أزمة اجتماعية بتأثر على الاستقرار، و النمو، وحتى نفسية الشباب. كتير منهم بيعيشوا في دوامة من الإحباط بسبب غياب فرص العمل المناسبة، خصوصا في المحافظات أو للي معاهم شهادات نظرية بدون تدريب عملى.

???? أسباب تفاقم المشكلة:مناهج تعليمية بعيدة عن متطلبات سوق العمل الحقيقي،قلة التدريب المهني والفني،التكدس في الوظائف الحكومية،غياب ثقافة ريادة الأعمال عند كتير من الشباب،ضعف توزيع الفرص بين العاصمة والمحافظات.

???? والنتائج؟شباب بيأجل خطوة الزواج أو بيهرب للهجرة غير الشرعية،زيادة في معدلات الاكتئاب والعنف والجريمة،فقدان الثقة في الدولة والمجتمع،في بعض الحالات، التطرف أو العزلة.

????️ لكن... فيه شغل بيتعمل حقيقي....الدولة بدأت تدخل في ملف البطالة بجدية، وبدأنا نشوف مبادرات وإصلاحات على الأرض:

⬅️ مشروع "مهني 2030": بيهدف لتدريب مليون شاب سنويا في مجالات مهنية مطلوبة محليا ودوليا.

⬅️ نظام معلومات سوق العمل (LMIS): بيربط بين احتياجات السوق وبين مخرجات التعليم.

⬅️ مبادرة "طور وغير": دربت ملايين الشباب في مجالات زي البرمجة، الموارد البشرية، والتسويق.

⬅️ منصة "توظيف مصر": بتسهل ربط الشباب بالفرص الحقيقية في الحكومة والقطاع الخاص.

⬅️ مشروع "مشروعك": بيوفر قروض بفوايد ميسرة لدعم المشروعات الصغيرة، وفر أكتر من 2 مليون فرصة عمل.

⬅️ توسيع التعليم الفني: افتتاح جامعات تكنولوجية ومدارس تطبيقية جديدة.

⬅️تأهيل الشباب للقيادة: من خلال برامج زي "البرنامج الرئاسي" و"مستقبلنا في إيدينا".

↩️ يعني فيه أمل؟

أيوه، طالما فيه إرادة، وفيه شغل على الأرض. لكن ده مش معناه إن المشكلة اتحلت... لسه قدامنا مشوار طويل، ولازم الشباب يكون طرف فاعل في الحل، مش بس منتظر الفرصة تيجي له.

???? رأيك يفرق:

شايف إن البرامج دي بتوصل لكل الشباب فعلا❓️جربت تستفيد من مبادرة أو تدريب❓️ايه رأيك ما نحتاجه كخطوة تانية❓️

شارك تجربتك أو رأيك، يمكن كلامك يفتح باب لفرصة لحد غيرك ????????