هالة صدقي تدافع عن إطلالة محمد رمضان في كوتشيلا: «هو نجم بيعمل عرض مش نازل بيها الشارع»
كتبت: نور التلباني
في أول تعليق لها على إطلالة محمد رمضان المثيرة للجدل خلال مشاركته في مهرجان كوتشيلا العالمي، خرجت الفنانة هالة صدقي عن صمتها ودافعت عنه، مؤكدة أن الهجوم على الفنانين أصبح عادة لدى الجمهور المصري.
وقالت هالة صدقي، خلال مداخلة ببرنامج "الراديو بيضحك" على إذاعة "الراديو 9090":
"المشكلة إن الجمهور المصري بيدور على أي غلطة عشان يهاجم الفنان، على عكس الجمهور في الدول التانية، زي الجمهور اللبناني اللي دايمًا بيدافع عن نجومه حتى لو غلطوا."
وأشادت هالة صدقي بنجاح حفل محمد رمضان، قائلة: "حفلة كوتشيلا عملت نجاح كبير جدًا، وكل اللي اتكلموا عنه هو اللبس، لكن هو نجم وبيعمل عرض، ولازم يلبس حاجة مختلفة."
وأشارت إلى أن مسؤولية الإطلالة لا تقع على رمضان وحده، بل تشاركها معه مصممة الأزياء التي صممت الإطلالة، موضحة: "هو مش نازل بيها الشارع عشان الناس تحكم عليه كده."
