هاجر حليم: الراجل مش خاين بالطبيعة لكن النقص اللي فيه بيخليه يلجأ للحاجات دي علشان يحس بقيمته
كتبت: نور التلباني
أثارت الإعلامية هاجر حليم جدلاً واسعًا خلال حديثها في برنامج "الجميلة والوحشين" حول قضية الخيانة الزوجية، حيث أكدت أن الخيانة ليست سمة طبيعية للرجال، بل هي نقص يحاول الشخص تعويضه.
وانتقدت المبررات التي يقدمها بعض الرجال للخيانة، قائلة: "الراجل اللي بيخون ويقول نزوة أو طبيعتنا كرجالة.. طيب لو مراتك عملت كده، هتسامحها وتقول نزوة؟ أكيد لأ، لأن المجتمع بيفرض معايير مزدوجة.. الخيانة مش فطرة، الخيانة قرار، والشخص اللي بيبررها لأنه راجل هو في الحقيقة مش راجل بمعنى الكلمة."
كما تحدثت عن تأثير الخيانة على الزوجة، قائلة: "حتى لو كملت في العلاقة علشان الظروف، انت خلاص انتهيت جواها.. عايش مع واحدة مش طايقاك وبتعاملك كظل مش شريك."
وسلطت الضوء على التناقض المجتمعي في التعامل مع الخيانة بين الرجل والمرأة، مؤكدة أن: "الراجل اللي بيخون يتسامح ويقولوا أهم حاجة بيصرف على بيته، لكن الست لو فكرت مجرد تفكير تتحول لشيطانة.. فين العدل؟"
