منة عرفة تعتذر لـ إلهام شاهين وتؤكد: "أنتِ قدوتي وأستاذتي"
كتبت: نور التلباني
اعتذرت الفنانه الشابة منة عرفة للفنانة إلهام شاهين عبر حسابها الرسمي على موقع التواصل الاجتماعي "إنستجرام"، حيث عبرت عن فخرها بها وتقديرها الكبير لها كأستاذة وقدوة.
كتبت منة عرفة: "أستاذتنا ونجمتنا الكبيرة وقدوتنا اللي دايمًا بنفتخر بيها، دايمًا بكون مبسوطة وفرحانة بحضرتك لما بشوفك في أي احتفالية أو مهرجان أو تكريم لأنك بجد تستاهلي كل التقدير والاحترام والمحبة".
وتابعت: "أنا عايزة استغل الأيام الجميلة المفترجة اللي احنا فيها دلوقتي، وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه وناجحة وبخير دايمًا يا رب، وعايزة أقولك أنا أسفه عن أي حاجة صدرت مني تجاه حضرتك في يوم من الأيام أنا مكنتش أقصدها".
وأصافت منة عرفة: "أنا بحبك وبحترمك جدًا وبقدرك وبقدر فنك وإبداعك اللي كلنا كبرنا عليه واتعلمنا منه كتير، وآخر حاجة بتمنالك كل النجاح والتوفيق وكل الخير الي في الدنيا لإنك تستاهلي كل حاجة حلوه زيك".
