فتوح أحمد: انتظرت 20 سنة عشان أبقى أب.. وبنتي «فرح» جات بعد تعب وصبر طويل

كتبت: نور التلباني 

كشف الفنان فتوح أحمد عن تفاصيل رحلة امتدت لأكثر من 20 عامًا في انتظار نعمة الإنجاب، مؤكدًا أن التجربة كانت مليئة بالصبر والرضا والتسليم لإرادة الله.

وقال فتوح: "رحت أنا وزوجتي لعدد كبير من الأطباء، وكلهم كانوا بيأكدوا إن مفيش مانع طبي، لكن رغم كدا مجبناش أطفال، حتى لما جرّبنا أطفال الأنابيب، الأطباء قالوا إحنا مش محتاجين، وبرضو منفعتش".

وأشار إلى أن أحد أصدقائه اقترح عليه السفر إلى روما لمقابلة طبيب إيطالي شهير، يُعتبر من أفضل المتخصصين في أطفال الأنابيب عالميًا، وبالفعل سافر مع زوجته، وكان رد الطبيب مشابه: "كل حاجة سليمة، واللي ناقص حاجة واحدة بس، إرادة ربنا".

وأضاف: "رغم فشل كل المحاولات، عمري ما خفت أكون أب في سن كبير، لأن إيماني كان دايمًا إن مفيش حاجة بتيجي غير بميعادها عند ربنا".

وعن شعوره بعد إنجاب ابنته "فرح"، قال: "ربنا رزقني بفرح بعد 20 سنة، وفي الوقت ده أخويا فتحي كان بيتعالج من سرطان الكبد وتوفى، فحسيت إن ربنا بيوازن الأمور، أخويا راح وربنا عوّضني ببنتي".