رضوى الشربيني تكشف عن موعد عودتها للبرنامج ورأيها في الزواج مجددًا

كتبت: نور التلباني 

كشفت الإعلامية رضوى الشربيني تفاصيل جديدة عن خططها للعودة إلى الشاشة من جديد، ووضعت النقاط فوق الحروف بشأن فكرة الزواج مرة أخرى، في بث مباشر تفاعلت فيه مع متابعيها على إنستجرام.

رضوى بدأت كلامها برسالة دعم وتحفيز، وقالت:

"الحياة مش بتقف على شخص، اشتغلي على نفسك وركزي في شغلك ونجاحك وفلوسك، خليه يقولوا بدل ما اتجوز راجل غني، أنا اللي أبقى الغنية."

وفي ردها على متابعة سألتها ليه مش بتتجوز، ردت بصراحة:

"أنا مش ضد الجواز خالص، بس لما ألاقي الشخص المناسب اللي يقدّرني ويحترمني، أكيد هفكر في الموضوع."

أما عن برنامجها الشهير، فوضحت:

"أنا ما اختفيتش، بس بشتغل على حاجات تانية وهارجع لما أكون جاهزة تمامًا، ادعولي بس."

رحيل رضوى عن قناة CBC سفرة

في وقت سابق، أعلنت رضوى انتهاء تعاقدها مع قناة CBC سفرة، وأكدت إنها هي اللي طلبت إنهاء التعاقد. وقدمت شكرها العميق لإدارة القناة وللشركة المتحدة على الفترة اللي قضتها معاهم، وقالت إنها ممتنة لكل الدعم اللي وصلها من جمهورها ومتابعين برنامجها "هي وبس".

حكم قضائي ضد رضوى الشربيني

في تطور قانوني، صدر حكم قضائي بتغريم رضوى الشربيني 5 آلاف جنيه في قضية سب وقذف أقامها ضدها أحد البلوجرز. المحكمة اعتمدت على دفاع المحامي جميل سعيد، اللي قدم دفوعًا أقنعت هيئة المحكمة.