رانيا يوسف فى بودكاست: "اللي شوفته من الراجل قبل كده هباب"
كتب : د . مجدي كامل الهواري
صرحت الفنانه رانيا يوسف في بودكاست "ع الرايق' مع خالد عليش و ميرهان عمرو : قائلة: الراجل بالنسبالي شخصية، دماغ ذكية وحنينة في نفس الوقت، موقف وسند في الحياة، صديق و أب و أخ و زوج وكل حاجة. اللي شوفته من الراجل قبل كده هباب، وعندي أمل في اللي جاي ،،
إحنا كمجتمعات شرقية عندنا مشكلة، ما بنعرفش بعض كويس قبل الجواز، بنتجوز عن طريق معارف أو صالونات أو علاقة دامت شهرين او تلاتة و ارتحنا لبعض، وفترة الخطوبة فيها تمثيل و تمثيل كتير كمان ، ولازم تطول الفترة دة على الاقل 3 أو 4 سنين، احنا ورانا إيه ؟؟
و عن بناتها قالت : أولا لازم يكملوا دراستهم، لو هتحب و ترتبط عاطفيا اثناء الدراسة معنديش مشكلة، بس تحافظ على نفسها و على دماغها. لازم يبقى عندك حياتك الخاصة المنفصلة تماما، وأنا بربي بناتي إن موضوع الجواز دة مش أساسي!!! ، وياريت يكون بعد سن الـ 30".
