رانيا محمود ياسين: المجتمع بقى مليان وحوش بشرية.. لازم التوعية تبدأ من البيت والمدرسة

كتبت: نور التلباني 

أبدت الفنانة والإعلامية رانيا محمود ياسين استياءها الشديد من تزايد حالات التحرش والانحرافات السلوكية تجاه الأطفال، مؤكدة أن ما يحدث يشير إلى "خلل خطير" في تركيبة المجتمع الحالي، يستدعي تحركًا فوريًا.

وكتبت رانيا عبر صفحتها الرسمية:

"في إيه؟ المجتمع جراله إيه؟ لازم يبقى في حل للظواهر الشاذة دي! شوفوا حل في المرضى اللي حوالينا دول".

وتابعت بغضب:

"تحرش جنسي بطفل بريء رايح المدرسة، وتحـرش لفظي بطفل تاني فرحان إنه أخد إجازة، وفجأة يتهاجم بسيل من العقد النفسية والكلام الشاذ وكأننا بقينا غابة!".

وأضافت:

"دي مش مجرد تصرفات فردية.. ده اضطراب فكري وسلوكي واضح. بنت بريئة رايحة الدرس، يتعدى عليها غفير حقير ويهددها بالقتل لو اتكلمت!".

وختمت حديثها بتحذير شديد:

"الناس دي مش محتاجة مسلسل، دي محتاجة كورس مسلسلات لام شمسية! لازم التوعية تبدأ من البيت والمدرسة، وقوانين قوية تردع المجرمين دول. مش مرضى نفسيين، دول مجرمين يستحقوا المؤبد والإعدام! اتقوا الله يا مجتمع متدين بطبعه!".