رانيا فريد شوقي تدافع عن بوسي شلبي: «كانت زوجته بكل معنى الكلمة.. وعاشت معاه في النور»
كتبت: نور التلباني
عبّرت الفنانة رانيا فريد شوقي عن استيائها الشديد من الهجوم الذي تتعرض له الإعلامية بوسي شلبي، بعد بيان أبناء الفنان الراحل محمود عبدالعزيز، الذي أشار إلى أنها لم تكن على ذمته وقت وفاته.
ونشرت رانيا عبر صفحتها الرسمية على موقع "فيس بوك" رسالة مؤثرة، جاء فيها:
"في حاجات صعب تتقال، بس الأصعب إننا نسكت عنها.
لما تكون ست محترمة، عاشرت راجل بكل إخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟ ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء".
وأضافت رانيا:
"وازاي ننسى وقفتها جنبه في أضعف لحظاته؟ كانت معاه في المستشفى، مقيمة وبترعاه، وكانت السند والونس والحياة اللي عاشها باختياره. الراجل اللي عاش معاها ومكانش يوم اعترض أو أنكرها".
وتساءلت قائلة:
"لو كانت فعلاً مش زوجته، ليه عاش معاها قدام الكل؟ وليه سكتوا كل السنين دي؟ وليه الكلام بدأ بس بعد ما رحل؟ ده جرح في ضمير كل حد بيعرف الحقيقة وبيداريها".
واختتمت رسالتها بالدعاء قائلة:
"ربنا يظهر الحق، ويدّي لكل واحد على قد نيّته... ولا تكتموا الشهادة... بل نقذف بالحق على الباطل فيدمغه فإذا هو زاهق".
