الكاتب الصحفي عمرو صحصاح يرثي شقيقة بكلمات مؤثرة

كتب: مصطفي صلاح

نشر الكاتب الصحفي عمرو صحصاح صورة لشقيقه مصطفي الذي وافته المنية صباح اليوم في حادث اليم أثناء ذهابه لعمله ، بكلمات مؤثرة علي صفحته الرسمية علي موقع التواصل الاجتماعي الفيسبوك .

وقال: وبشر الصابرين الذين إذا أصابتهم مصيبة قالوا إنا لله وإنا إليه راجعون.. توفى إلى رحمة الله تعالى أخويا و حبيبى مصطفى ماهر صحصاح.. مصطفى توفى وهو رايح شغله فى حادث أليم.. مصطفى كان مفتش فى مديرية التضامن الاجتماعى بالغربية، كان كل وقته بيقضيه فى مساعدة حالات تكافل وكرامة اللى الدولة كفلت ليهم هذه الميزة، كان دايما بيدور على الحالات دى عشان يسهلهم استخراج الكارنيه ده، ويجرى من هنا لهنا عشان يخلص الأوراق لكل حالة تلجأ إليه..

مصطفى كان دايما بيتاجر مع ربنا، ويقولى إحنا عايشين عشان نحوش شوية حسنات نقابل بيهم ربنا، ويدينا تصريح دخول الجنة بشوية الحسنات اللى حوشناهم دول.. قسما بالله ما شوفت حد ما فارق معاه الموت زيه، عشان كدة ربنا أختاره بدرى...

مع السلامة يا مصطفى وجعت قلبى وأرهقت روحى، ربنا يرحمك ويغفر لك ويجعل مثواك جنة الفردوس، ويصبرنى.. سلامى لماما ولكل الحبايب حتى ألقاكم.. مع السلامة ياطيب..