إيناس الدغيدي: «أنا معروفة أكتر من بسمة وهبة والناس بيقولوا شيخ الحارة إيناس الدغيدي مش بسمة وهبة»
كتبت: نور التلباني
كشفت المخرجة إيناس الدغيدي خلال حوارها مع الإعلامية بسمة وهبة في برنامج "العرافة" عن تفوق مشاهدات برنامجها "شيخ الحارة" على برنامج "العرافة"، مؤكدة أنها معروفة أكثر من وهبة. وقالت: "لو نزلتي الشارع هتلاقي الناس عارفني أكتر منك بكتير"، مشيرة إلى أن الجمهور يعتبر "شيخ الحارة" منسوبًا إليها وليس إلى بسمة وهبة.
وأضافت إيناس: "لو سألتِ الناس عن شيخ الحارة، هتقول إيناس الدغيدي مش بسمة وهبة، وأوعي تشيلي الكلام ده في المونتاج". من جانبها، ردت بسمة وهبة قائلة: "في الموسمين بتوعك، الناس كانوا بيقولوا لي إن إيناس الدغيدي أخدت شيخ الحارة ونزلت به الأرض"،
لترد عليها إيناس قائلة: "تلاقيهم صحابك وبتقعدي معاهم بالليل ع القهوة، لكن أنا أصحابي قالوا لي متعمليش البرنامج ده، وده اللي خلاني أقف لأني اكتشفت إني أكبر من البرنامج".
