نور محمود: لولا دعم زوجتي ما كنتش وصلت للي أنا فيه
كتب: ياسر خالد
تألق الفنان نور محمود بشكل لافت من خلال شخصية حازم، التي قدمها بمسلسل عايشة الدور مع النجمة دنيا سمير غانم، والذي عرض خلال النصف الثاني من شهر رمضان الماضي ولاقى نجاحًا كبيرًا.
في هذا الإطار، حل نور محمود، أمس، ضيفًا مع الإعلامية منى عبد الغني والإعلامية مها بهنسي ببرنامج الستات مايعرفوش يكدبوا المذاع عبر قناة cbc، للحديث عن شخصية حازم وكواليس تجسيده لها، كما كشف عن بعض الأسرار عن حياته الشخصية والفنية.
كشف نور خلال الحلقة عن دور زوجته ودعمها له في بداية مشواره، مؤكدًا أنها ساندته بقوة وأن لولاها لما أصبح نور محمود الممثل الذي هو عليه الآن.
عن ذلك قال نور أنه أطلق على زوجته اسم مديرة حياته، وأوضح السبب وراء ذلك أنهما مرا بالعديد من الأزمات واستطاعا أن يتخطياها سويًا، مشيرًا: أنا طول عمري حلم حياتي موضوع التمثيل، كل الحاجات اللي في حياتي بحس إنها مؤجلة أو خطوات بتعدي بيها لغاية ما أوصل إني أكون ممثل.
أضاف: فجت في وقت من الأوقات كانت فترة صعبة جدًا، طبعًا مشواري إني أكون ممثل ده أنا أول مرة وقفت في حياتي كانت 2006 قدام كاميرا، وكان قدام أستاذ إسماعيل عبد الحافظ، أول حاجة في أرشيفي فدي من الحاجات اللي بتشرف بيها جدًا، وكانت أستاذة أمل أسعد كانت هي أول واحدة حطتني قدام كاميرا، وكانت ساعتها المخرجة المنفذة.
تابع نور: فالمشوار لغاية 2016 فيه 10 سنين، تم فيهم كل المحاولات الممكنة والغير ممكنة للظهور تحت الشمس، زي ما بيقولوا، كلها تقريبًا ماكنش فبها نجاحات خالص.
عما إذا كان قد فكر بالتراجع عن العمل بالتمثيل، أردف: أنا قررت إني أتراجع، أنا قررت إني أقول واضح إني موهوم مش موهوب أنا فاكر نفسي إني كويس، فلأ واضح إن الناس مش شايفة كده فخلاص، لغاية ما حصل خطوتين تلاتة رجعوني تاني للتراك.
استدرك: بس حصل موقف إني سبت شغلي كان بسبب التمثيل، مديري قرر إنه يمشيني بعدما متفق معايا على كل حاجة، لأ وأنا في ضهرك، حصل ده.
أكمل نور: فكانت فترة صعبة جدًا، ونانسي ساعتها قالتلي أنت طول عمرك كان نفسك تبقى ممثل بس، هي جايلنا بطريقة صعبة شوية بس هنستحملها مع بعض، علشان نوصل.
واصل: اللي أنا أقدر أقوله في القصة دي إن بعد كرم ربنا سبحانه وتعالى أولًا وأخيرًا، بس لولا نانسي أنا ماكنش زماني قاعد مع حضرتك دلوقتي بتقولي أنا نور محمود أو إني ممثل، مشيرًا: فأنا علشان كده بقول إني مشروعها أو إنها مديرة حياتي، فربنا يحفظها من كل شر.
نور محمود عن تعاونه مع أحمد الجندي: أتمنى إني أشتغل معاه تاني
تطرق نور بالحديث عن تعاونه مع المخرج أحمد الجندي من خلال عايشة الدور، كاشفًا عما خرج به من مدرسة أحمد الجندي في الإخراج.
حيث قال: إزاي إنك توصل لمرحلة من البساطة أكتر حتى من اللي بتكون بتفكر فيها، إزاي إنك ممكن تقول حاجة تضحك من الجد نفسه، يعني أنا بتكلم جد ومن الجد ده ممكن فيه حاجات تضحك.
استكمل نور محمود: ففي حاجات اتعلمها منها أو فيه الحاجات اللي أنا خدتها منه، لأ بالعكس أنا أظن إنها هتفيدني جدًا قدام، وزي ما قولتلك أتمنى إني أشتغل معاه تاني.
اختتم الفنان نور محمود تصريحاته قائلًا: لأنه من أكتر اللي أنا شوفتهم كمان بيحب الممثل أوي، يعني هو نور لأ قول دي، أو وإحنا بنعمل بروفا يلا أسمع بروفا فبنقول، فبيقول زود الحتة دي أو اعمل الحتة دي.
