تيسير فهمي لـ «نبض الخبر»: «ناس كتير بتطلب المساعدة.. وده طبيعي لكن مهم نتحرّى كويس علشان مانقعش ضحية للنصابين»
كتبت: نور التلباني
قالت الفنانة تيسير فهمي في تصريح خاص لـ"نبض الخبر"، إنها لا تجد غرابة في تلقي العديد من الرسائل من أشخاص يطلبون الدعم أو المساندة، مؤكدة أن الوقوف إلى جانب الآخرين وقت الشدة أمر طبيعي وإنساني.
وأضافت: "لكن المشكلة الحقيقية بتكون في التفرقة بين اللي فعلاً محتاج، وبين اللي بيمارس النصب باسم الاحتياج.. وده للأسف بيحصل كتير اليومين دول."
وتابعت: "دي مش أول مرة أتعرض لموقف بالشكل ده، وعشان كده قررت إن أي مساعدة هتكون بعد التأكد والتحري الجيد، علشان مايقعش أي إنسان في فخ النصابين."
واختتمت قائلة: "رغم كل ده، أنا مؤمنة إننا لازم نفضل دايمًا جنب بعض وقت الشدة، لكن بحذر ومسؤولية."
وكانت الفنانة تيسير فهمي قد تعرّضت مؤخرًا لمحاولة نصب من سيدة انتحلت صفة الفنانة شادية عبد الحميد، وطلبت منها مساعدة مالية بادعاء أنها تمر بأزمة صحية، وهو ما دفع تيسير لتحويل مبلغ مالي من باب الدعم الإنساني، قبل أن تكتشف لاحقًا أنها وقعت ضحية خداع إلكتروني، في واقعة مشابهة لما حدث مع الفنان أحمد السعدني. وقد حررت الفنانة شادية بلاغًا رسميًا ضد المنتحلة، محذّرة من استغلال اسمها في مثل هذه الأساليب.
