محمد التاجي يوضح حقيقة خلافه مع محمد رمضان: «بحبه ومفيش حاجة بينا»
كتبت: نور التلباني
في تصريحات خاصة خلال استضافته في برنامج "بنظرة تانية" الذي يقدمه الإعلامي محمود الجلفي على قناة الشمس، كشف الفنان محمد التاجي كواليس ما تردد عن وجود خلاف بينه وبين الفنان محمد رمضان، عقب انتشار منشورات على مواقع التواصل بشأن إعلان لإحدى شركات الاتصالات.
وقال التاجي:
"كل اللي عرفته إن الشركة عرضت عليا أعمل إعلان، وطلبت أجر معين، لكن الشركة رفضت الرقم وانتهى الموضوع من ناحيتي".
وأضاف: "اتفاجئت إن في حد بلغ محمد رمضان، اللي هو بطل الإعلان، إنّي رفضت أشتغل معاه، وإني قلت مش همثل معاه، وده محصلش خالص، أنا لا قلت كده ولا أعرف مين قاله الكلام ده".
وأكد محمد التاجي أن ما حدث مجرد سوء فهم، ووجه رسالة مباشرة لرمضان قائلاً:
"كل سنة وأنت طيب يا ابني، مفيش بينا أي حاجة، وأنا بحبك كممثل شاطر ومحترم، وبعيد عن أي خلافات أو مناوشات."
يُذكر أن برنامج "بنظرة تانية" يُعرض كل خميس في الساعة الثالثة عصرًا على قناة الشمس، ويستضيف عددًا من نجوم الفن للحديث عن أبرز قضايا الوسط الفني وكواليس أعمالهم.
