أسما شريف منير تحتفل بزواجها: دعوت ربنا واختار لي أحمد لأنه قريب من ربنا

كتبت: نور التلباني 

أعلنت الإعلامية أسما شريف منير عن زواجها من خلال منشور مؤثر على حسابها الرسمي عبر تطبيق "إنستجرام"، حيث شاركت جمهورها بصور من حفل الزفاف وكلمات مليئة بالامتنان والإيمان.

وقالت أسما: "أنا الحمد لله اتجوزت، والقرار ده جه بعد رحلة طويلة مع نفسي، اتعلمت فيها حاجات كتير، واتغيرت واختياراتي بقت أوضح. بقيت أعرف أنا عايزة إيه من الجواز وإيه اللي يهم وإيه اللي لا."

وأكدت أنها لجأت لله بدعاء مستمر، طالبة أن يرزقها بزوج صالح: "كنت بدعي كتير أوي، وكنت دايمًا أقول: يا رب اختار لي ولا تخيرني. وتوكلت تمامًا على ربنا في القرار ده، وفعلاً حصل اللي كنت بدعي بيه."

وأضافت: "عمري ما كنت متخيلة إن أحمد هو اللي هيتكتب لي، لكن كان عندي يقين إني هتجوز يوم 26-5-5، وفعلاً اتحقق رغم إنه ماكنش فيه حد في حياتي وقتها."

وأوضحت أسما أن أكثر ما جذبها في زوجها الجديد هو قربه من ربنا والتزامه، قائلة: "شدني فيه إنه شخص بيخاف ربنا، وبيعرف يتعامل مع الناس بإيمان واحترام، وده خلاني أحس إني لقيت الأمان والاحتواء اللي كنت بدور عليهم."