ماجد المصري عن حجاب ابنته ماهيتاب: «خلعته.. ودلوقتي ناوية ترجع تلبسه تاني»

كتبت: نور التلباني 

تحدث الفنان ماجد المصري عن تجربة ابنته ماهيتاب مع ارتداء الحجاب، وذلك خلال استضافته في برنامج "الفصول الأربعة" مع الإعلامي علي ياسين.

قال ماجد: "في بداية سن المراهقة قررت تلبس الحجاب، وأنا شجعتها وقتها، بس كنت حاسس إنها هتخلعه لأنها مش مقتنعة بنسبة 100%".

وأضاف: "أنا قلت لها من الأول بلاش تلبسيه غير لما تكوني مقتنعة علشان ما تخلعهوش بعد كده، لكنها صممت ولبسته، وبعدين خلعته، وأنا سبتها تجرب وتقرب من ربنا بطريقتها".

وأكد ماجد المصري أن ابنته حاليًا تفكر بجدية في ارتداء الحجاب مرة تانية، وقال: "هي دلوقتي في طريقها إنها تتحجب تاني، وأنا مش ممكن أمنعها عن ده".

يُذكر أن ماجد المصري شارك في موسم رمضان 2025 بمسلسل "إش إش" إلى جانب مي عمر، انتصار، شيماء سيف، هالة صدقي، ومحمد الشرنوبي، ومن إخراج محمد سامي.