حسام حبيب لشيرين عبدالوهاب: «أنا مش بهددك.. قولي الحقيقة واحترمي العِشرة»
كتبت: نور التلباني
وجه الفنان حسام حبيب رسالة قوية إلى الفنانة شيرين عبدالوهاب، طالبها فيها بالكشف عن حقيقة الخلافات التي دارت بينهما خلال الفترة الماضية.
وخلال لقائه مع الإعلامية بسمة وهبة في برنامج "العرافة" عبر قناتي النهار والمحور، قال حسام: "أنا فاض بيا الكيل من ظلمك ليا واستمرارك في إيذائي، في كل حفلة بتتكلمي عني وكمان في الجلسات المغلقة. أرجوكي، خلي كلامك مجرد لحظة غضب، لكن الموضوع ما بقاش هزار، أنا وكل اللي حواليا اتأذينا."
وأضاف: "أتمنى أن المرحلة دي تعدي وكل واحد يروح لحاله، لكن لو اضطررت هقول كل حاجة حصلت بينا بالأدلة، وأنا مش بهددك، بس لازم تحترمي العِشرة وتوضحي الحقيقة للجمهور."
