كندة علوش: ربنا نزل عليا سكينة وقت معرفتي بالسرطان.. والأصعب كان لما عرفت إن أمي كمان مريضة

كتبت: نور التلباني 

في لحظة إنسانية مؤثرة، روت الفنانة كندة علوش تفاصيل رحلتها مع مرض السرطان، مؤكدة أنها تجاوزت التجربة بقوة داخلية وسلام نفسي كبير.

خلال لقائها مع الإعلامية لميس الحديدي في برنامج كلمة أخيرة المذاع على قناة ON، تحدثت كندة عن بداية اكتشاف المرض قائلة: "ربنا نزل عليّ سكينة ما كنتش أتخيلها، لما وصلت نتيجة الفحص حسيت بسلام غريب، حتى لما الطبيبة شكت في حاجة مش كويسة، مكنتش خايفة".

وتابعت: "تأكدت الإصابة واستقبلت الخبر برضا كامل، قلت ربنا كتبلي كده وخلاص".

لكن اللحظة الأصعب لم تكن مرتبطة بنفسها فقط، بل كما وصفتها كندة، كانت عند علمها بإصابة والدتها بنفس المرض، لتقول: "وقتها فعلاً حسيت بكسر، وده اللي وجعني بجد".

وأضافت كندة: "العلاج الكيماوي وقعلي جزء كبير من شعري، اشتريت باروكة بس ما لبستهاش".

وقدمت كندة الشكر للإعلامية لميس الحديدي على دعمها النفسي والمعنوي طوال رحلة العلاج، قائلة: "نصايحك كانت عملية ومباشرة، ساعدتني أعدي كتير، ومن بعدها بقيت أعمل زيك، وأدعم أي حد بيمر بنفس التجربة".

واختتمت حديثها برسالة ملهمة: "مكنش فيه تروما، بالعكس، ربنا أداني سلام غريب، ومن وقتها بقيت أساند كل حد مصاب وأقوله نفس الكلام اللي اتقال لي".