صفية العمري: «قفلت السكة في وش رشدي أباظة مرتين.. وافتكرته بيعاكسني»
كتبت: نور التلباني
كشفت الفنانة صفية العمري عن موقف طريف جمعها بالنجم الراحل رشدي أباظة، في بداياتها الفنية، موضحة أنها أغلقت الخط في وجهه مرتين ظنًا منها أنه يُضايقها.
وخلال لقائها في برنامج "كلام الناس" على شاشة "MBC مصر"، قالت صفية: "كنت لسة في أول مشواري، والتليفون الأرضي رن الساعة 3 الفجر، رديت لقيته بيقولي: أنا رشدي أباظة. قولتله: عيب كده يا فندم، وافتكرته واحد بيعاكس وقفلت السكة".
وتابعت: "رجع اتصل تاني وقال: أنا رشدي أباظة، رديت عليه تاني: مش مكسوف من نفسك؟ وقفلت السكة تاني. في المرة التالتة لقيت نادية لطفي بتكلمني بنفسها، وقالتلي: إزيك يا قطة؟ لأن ده كان اسم دلعها ليا، وقالتلي إنهم عايزيني أشارك في فيلم أبدًا لن أعود".
