سيدة الأعمال ميرفت مرشدي تستنكر ما يحدث علي القنوات الخاصة والسوشيال ميديا
كتب: مصطفي صلاح
كتبت سيدة الأعمال المتميزة ميرفت مرشدي عبر صفحتها الرسمية علي موقع التواصل الإجتماعي الفيسبوك كلمه عن حال ما يحدث من حولنا وقالت: انا صعبان عليا الجيل القادم لانه جاي في زمن يعلم بيه ربنا زمن فيه الاخلاقيات يوك الرموز يوك المبادئ و القيم بقوا ديموديه ياي انتي قديمه اوي !! يا لهوووي هو فيه ايه احنا رايحين علي فين !! وايه اللي بيحصل في السوشيال ميديا و القنوات الخاصه !!!! احنا وصلنا لنقاش مواضيع انتي مع او ضد المساكنه بوووم !! نلاقي ريهام سعيد مستضيفه واحده زي سوزي الاردنيه بلوجر زباله اللي بتشتم باباها اقذر الالفاظ لايف( بتقول لباباها هاعملك محضر ابن فاجره ) تخيلوا وصلنا لاي مستوا !!! و واحده زي ياسمين الخطيب مستضيفه بلوجر عندها فيديو اباحي و فيديوهاتها كلها تقريبا دعاره و منجماها و مفرغلها هوا لمدة ساعه !!!! يا عينيى عليكي يا مصر هتلاقيها منين ولا منين كان ناقصنا المستنقع الاخلاقي اللي وصلناله كمان !! .. !! الحمدلله انا فرحت ان سوزي الاردنيه اخدت حكم وغرامه و ياسمين الخطيب اتوقفت و اتوقف برنامجها و اتشدت تحقيق ايوااا كدا و عقبال البلاوي التانيين المطلوقين علينا اللي بيشوهوا صورة مصر .
