يحيى الموجي: ذكرى كانت صوت لا يتكرر.. وندمت يوم اغتيالها لأني ما رحتلهاش
كتبت: نور التلباني
أعرب الموسيقار يحيى الموجي عن فخره الشديد باكتشاف صوت المطربة الراحلة ذكرى، مؤكدًا أنه أول من قدمها للجمهور المصري، وذلك بعدما التقى بها صدفة أثناء تسجيله أحد الأعمال في ليبيا.
وقال الموجي، خلال تصريحات تلفزيونية، إنه عندما سمع صوت ذكرى للمرة الأولى، شعر بدهشة كبيرة من جمال صوتها وتميزه، وطلب منها أن تأتي إلى مصر لتبدأ انطلاقتها الحقيقية من هناك. وأوضح: "كنت بكلمها دايمًا لغاية ما وافقت، وجت مصر، وخدتها من إيديها، وكلمت الملحن صلاح الشرنوبي، وقدمنا لها أغنية (وحياتي عندك)، وكنت متأكد إنها هتبقى نجمة كبيرة."
وأضاف: "كانت فرحانة جدًا بنجاحها، وأنا فخور إني كنت سبب في ظهور موهبتها اللي صعب تتكرر، ويوم اغتيالها كلمتني وطلبت أشوفها، لكني اتأخرت، وده شيء لسه ندمان عليه."
أما عن مقتلها المفجع على يد زوجها، فقال يحيى الموجي: "لحد النهاردة مش عارفين سبب واضح للي حصل، لكن كانت دايمًا بتقوللي إنه عصبي جدًا، ومكنتش بتقدر تكلمني قدامه، وكان بيغير عليها بشكل غريب، هو فعلاً كان مجنون بيها."
