أحمد العوضي عن رامز جلال: «جابني في أول حلقة عشان المشاهدات.. وزواجي؟ خليها مفاجأة»
كتبت: نور التلباني
كشف الفنان أحمد العوضي عن رأيه في ظهوره كضيف في برنامج المقالب "رامز إيلون مصر"، خاصة بعد أن أثارت مقدمة رامز جلال عنه جدلًا بين الجمهور.
وأوضح العوضي في تصريحاته أنه لم ينزعج من الأمر، قائلًا:
"في النهاية هو برنامج، أومال هو جابني في أول حلقة ليه! .. عشان الناس تتفرج وعشان المشاهدات، فأنا مش هركز هو قال إيه ومقالش إيه، رامز جابني في أول حلقة عشان الناس تتفرج عليه، وهو كده كده ليه جمهوره ومشاهداته، لكنه لازم يبدأ بداية قوية، فأنا خدت الموضوع بشكل إيجابي وبصفو نية، والنهارده لو شوفتي هتلاقي الحلقة بتاعتي أعلى مشاهدة فاهمة!"
وعن تصريحه في الحلقة حول زواجه بعد العيد، أوضح العوضي أن الأمر ليس مرتبطًا بعيد الفطر تحديدًا، بل سيتم الزواج بعد رمضان، قائلًا:
"مش شرط في العيد."
وحين سُئل عن هوية العروس، رفض الإفصاح عن أي تفاصيل، مكتفيًا بقوله:
"خليها مفاجأة بقى."
وعند سؤاله عما إذا كانت العروس من داخل الوسط الفني أم لا، أجاب ممازحًا:
"إممممم .. خليها مفاجأة، هتعرفوا وهتبقى فرحة وهنفرح كلنا
إن شاء الله."
